پولیس ذرائع نے بتایا کہ 29 فروری کو شری کرشن سنگھ ویمنس کالج کے نزدیک فاسٹ فوڈ کی دکان چلانے والے روشن کمار کا اغوا کر لیا گیا تھا۔
واقعہ کے دوسرے روز 2 مارچ کو ہیمرا گاﺅں سے نوجوان کی لاش برآمد کی گئی تھی، اس سلسلے میں اہل خانہ نے مفصل تھانہ میں چار نامزد سمیت چھ لوگوں کے خلاف مقدمہ درج کرایا تھا۔
ذرائع نے بتایا کہ معاملے میں ایف آئی آر درج ہونے کے بعد پولیس سپرنٹنڈنٹ اوکاش کمار نے واقعہ میں شامل لوگوں کی گرفتاری کے لیے خصوصی ٹیم کی تشکیل کی تھی، ٹیم نے معاملے میں نامزد بہاری سنگھ ، مرتنجے کمار اور روپیش کمار کو مختلف ٹھکانوں سے گرفتار کرلیا ہے اور ان کے پاس سے تین دیسی کٹا اور کچھ کارتوس بھی برآمد کیے گئے ہیں۔
دریں اثناء پولیس سپرنٹنڈنٹ نے کہا کہ واقعہ میں شامل دیگر بدمعاشوں کو گرفتار کرنے کے لیے مسلسل چھاپے ماری چل رہی ہے اور بہت جلد دیگر بدمعاشوں کو بھی گرفتار کرلیا جائے گا۔
