سنگاریڈی: اے ٹی ایم مشین سے چوری کی ناکام کوشش

ریاست تلنگانہ کے سنگاریڈی ضلع میں چوروں نے ایک اے ٹی ایم مشین سے چوری کی ناکام کوشش کی۔

ضلع کے امین پور پولیس اسٹیشن کے حدود کے کشٹاریڈی پیٹ میں واقع ایچ ڈی ایف سی بینک کے اے ٹی ایم میں ان چوروں نے چوری کی کوشش کی۔

ان کی یہ حرکت سی سی ٹی وی فوٹیج میں قید ہوگئی.

جس کی بنیاد پر پولیس نے جانچ شروع کردی اور ان کی تلاش کا آغاز کردیا۔

ان چوروں نے اے ٹی ایم مشین کو نقصان پہنچایا اور اس کو آگ لگانے کی بھی کوشش کی۔.

مقامی افراد نے کہا کہ رات دیر گئے یہ واقعہ پیش آیا۔ان چوروں نے گیس کٹر کی مدد سے مشین کو توڑنے کی کوشش کی۔