مشتعل عوام نے ڈومریا -پٹنہ قومی شاہراہ نمبر 69کو جام کرکے پولیس انتظامیہ کے خلاف مظاہرہ کیا۔
ضلع کے امام گنج بلاک کے سدھ پور پنچایت میں واقع کوسما گاؤں کے کیدار یادو کے 13 برس کے بیٹے آتش کمار کی موت ہوگئی ہے۔
مقامی لوگوں کا کہنا ہے کہ کھیت میں کچھ کسانوں کے ذریعے بجلی کا ننگا تار لے جایا گیا ہے۔
جس کی وجہ اس کی بچے کی موت ہوگئی۔
اس وجہ سے علاقے کا ماحول سوگوار ہوگیا، ہر طرف افرا تفری پھیل گئی۔
13 برس کے لڑکے آتش کمار کی موت سے دیہاتی مشتعل ہیں ، جس نے بتیشا گاؤں کے قریب ڈومریا -پٹنہ قومی شاہراہ نمبر 69 کو جام کردیا اور انتظامیہ کے تئیں ناراضگی ظاہر کرتے ہوئے ہنگامہ برپا کردیا۔
جام کے بارے میں اطلاع ملتے ہی امام گنج ڈی ایس پی اجیت کمار اور بی ڈی او جئے کشن اور دیگر پولیس موقع پر پہنچ کر حالات کوقابو میں کیا اور مشتعل افراد کو سمجھا کر جام کو ختم کرایا۔
مقامی لوگوں کا مطالبہ ہے کہ متاثرہ کنبہ کو مناسب معاوضہ دیا جائے اور کھلے تار کو لے جانے والے لوگوں کے خلاف کارروائی کی جائے۔
انتظامیہ نے کاروائی کی یقین دہانی کرائی ہے کہ کھلے تار لے جانے والوں پر کاروائی ہوگی اور لواحقین کومناسب معاوضہ دیا جائے گا۔
