گیس ایجنسی کے ملازم سے پچاس ہزار کی لوٹ

ریاست بہار میں ضلع جموئی کے سونو تھانہ علاقہ کے بٹیا موڑ کے نزدیک بدمعاشوں نے آج ایک پرائیوٹ گیس ایجنسی کے دو ملازمین سے پچاس ہزار روپے لوٹ لیے ۔

پولیس نے بتایاکہ گیس ایجنسی کے دو ملازمین رسوئی گیس کی تقسیم کرنے کے بعد گاڑی سے لوٹ رہے تھے، تبھی بٹیا موڑکے نزدیک سے آرہے موٹر سائیکل سوار چار بدمعاشوں نے اسلحہ کا خوف دکھا کر انہیں روک لیا ۔ اسکے بعد بدمعاشوں نے ملازمین سے پچاس ہزار روپے لوٹ لیے اور فرار ہوگئے ۔
اطلاع کے مطابق پولیس نے لوٹ کی واردات میں شامل ایک بدمعاش کو گرفتار کرلیا ہے ۔
گرفتار بدمعاش کی شناخت ضلع کے کھیرا تھانہ علاقہ کے باگھ مارا گاﺅں باشندہ ویپل کمار کے طور پر کی گئی ہے ۔ پولیس اس سے تفتیش کر رہی ہے ۔