اقوام متحدہ کے سکریٹری جنرل انتونیو گوٹیرس کے ترجمان نے پیغمبر اسلام کے بارے میں قابل اعتراض ریمارکس Derogatory Remarks against Prophet کے بعد بھارت میں جاری احتجاج کے درمیان کسی بھی قسم کے تشدد کو روکنے کی اپیل کی۔ اقوام متحدہ کے سیکرٹری جنرل کے ترجمان اسٹیفن دوجارک نے منگل کو ایک نیوز کانفرنس میں کہا کہ انتونیو گوٹیریئس نے تمام مذاہب کے مکمل احترام کی بات کی ہے۔ UN on Violent Protests in India
پیغمبر اسلام کے بارے میں قابل اعتراض ریمارکس کے بعد بھارت میں ہونے والے تشدد پر اقوام متحدہ کے موقف کے بارے میں پوچھے جانے پر دوجارک نے کہا، "ہمارا موقف مذہب کا مکمل احترام کرنا ہے، کسی بھی قسم کی نفرت انگیز تقریر اور اشتعال انگیزی کے خلاف بات کرنا اور کسی بھی قسم کے تشدد کو روکنا، خاص طور پر مذہبی اختلافات اور نفرت پر مبنی تشدد کو روکنا ہے۔
یہ بھی پڑھیں:
Irfan Pathan Tweet on Violence: تشدد کسی بھی اشتعال انگیزی کا جواب نہیں ہوسکتا، عرفان پٹھان
قابل ذکر بات یہ ہے کہ بھارتیہ جنتا پارٹی (بی جے پی) نے اپنی قومی ترجمان نوپور شرما کو پیغمبر اسلام کے بارے میں قابل اعتراض تبصرہ کرنے پر معطل کر دیا تھا۔ اس کے ساتھ ہی پارٹی کی دہلی یونٹ کے میڈیا چیف نوین کمار جندال کو پارٹی سے نکال دیا گیا۔ تاہم بی جے پی کے سابق لیڈروں کے پیغمبر اسلام کے خلاف ریمارکس پر تنازع جاری ہے۔ مظاہرین دونوں کی گرفتاری کا مطالبہ کر رہے ہیں۔
