یروشلم: اسرائیل کے دارالحکومت یروشلم کے نیوے یاکو اسٹریٹ پر واقع عبادت گاہ میں گولیاں چلائی گئیں۔ اس واقعے میں سات افراد ہلاک اور تقریباً 10 افراد زخمی ہوئے ہیں۔ اسرائیل کی وزارت خارجہ نے یہ اطلاع دی ہے۔ یہ حملہ فلسطین کے مغربی کنارے میں اسرائیلی فوجیوں کے ہاتھوں نو افراد کی ہلاکت کے ایک دن بعد ہوا ہے۔ پولیس کا کہنا ہے کہ فائرنگ کا واقعہ جمعہ کی شام مشرقی یروشلم کے شمالی حصے میں پیش آیا۔ پہلے اس فائرنگ میں مرنے والوں کی تعداد پانچ بتائی گئی تھی لیکن بعد میں یہ تعداد بڑھ گئی۔ ساتھ ہی زخمیوں کی حالت انتہائی تشویشناک بتائی جا رہی ہے۔ واقعہ کی اطلاع ملتے ہی مقامی پولیس موقع پر پہنچ گئی اور علاقے کو گھیرے میں لے لیا۔ اسرائیلی پولیس نے بتایا کہ یہ واقعہ مشرقی یروشلم میں یہودیوں کے علاقے نیوے یاکو میں پیش آیا۔ وہیں امریکہ نے اس حملے کی مذمت کی ہے۔
واضح رہے کہ اسرائیلی فورسز نے جمعرات کو مقبوضہ مغربی کنارہ میں چھاپے ماری کے دوران ایک 60 سالہ معمر خاتون سمیت کل 10 فلسطینیوں کو ہلاک اور متعدد کو زخمی کر دیا۔ فلسطینی حکام نے اس کی اطلاع دی تھی۔ اسی دوران اسرائیلی فوج نے ایک الگ واقعے میں ایک 22 سالہ فلسطینی نوجوان کو گولی مار دی۔ اس حوالے سے ایک سینئر اہلکار نے کہا کہ خدشہ ہے کہ فلسطینی شہری اسرائیل کے ساتھ سکیورٹی کوآرڈینیشن بند کر دیں گے۔ فلسطینی اتھارٹی نے کہا کہ وہ اسلامی عسکریت پسندوں پر قابو پانے کی مشترکہ کوششوں میں اسرائیل کے ساتھ ان تعلقات کو روک دے گی جو اس کی سکیورٹی فورسز نے برقرار رکھی ہیں۔ یہ جھڑپ اس وقت ہوئی جب اسرائیلی فوج نے جنین پناہ گزین کیمپ میں دن دیہاڑے آپریشن شروع کیا۔ اسرائیلی فوج نے کہا کہ مذکورہ آپریشن اسرائیلیوں کے خلاف آنے والے حملے کو روکنے کے لیے کیا گیا تھا۔
یہ بھی پڑھیں: Israeli Army Kills Palestinian اسرائیلی فوج کی فائرنگ میں دس فلسطینی شہری ہلاک، متعدد زخمی
