بگوٹا: وسطی کولمبیا میں پیر کی دیر شام کو مٹی کے تودے گرنے سے مکانات منہدم ہوگئے جس سے کم از کم چھ لوگوں کی موت ہوگئی اور 11 دیگر لاپتہ ہو گئے۔ مقامی میڈیا نے منگل کے روز یہ اطلاع دی۔ میڈیا کی رپورٹ میں کوئٹام کے میئر کیمیلو پیراڈو کے حوالے سے بتایا گیا کہ "مٹی کے تودے گرنے سے کم از کم 15 مکانات اس کی زد میں آگئے۔ ہم نے پہلے ہی چھ لاشیں نکال لی ہیں، سات افراد زخمی ہیں اور 11 لاپتہ ہیں"۔ پیراڈو نے کہا کہ یہ ایک "بہت دردناک صورتحال تھی اور مرنے والوں میں ایک بچہ بھی شامل ہے۔ کولمبیا کے صدر گستاو پیٹرو نے متاثرین کے اہل خانہ سے تعزیت کا اظہار کرتے ہوئے کہا ہے کہ شدید بارشوں کے بعد اس قسم کی قدرتی آفات کو روکنے کے لیے کام کرنے کی فوری ضرورت ہے۔
لینڈ سلائیڈنگ سے ایک ٹول پلازہ کا پل بھی تباہ ہوگیا، جس کی وجہ سے دارالحکومت بگوٹا کو ولاویسینسیو شہر سے ملانے والا لانو روڈ وے مکمل طور پر بند ہو چکا ہے۔ حکام نے بتایا کہ حادثہ بگوٹا میں شدید بارشوں کے باعث پیش آیا جس سے سیلابی صورتحال پیدا ہوگئی ہے۔ واضح رہے کہ دسمبر 2022 میں کولمبیا میں مٹی کے تودے گرنے سے 33 افراد ہلاک ہو گئے تھے۔ وہیں 9 لوگوں کو زندہ بچا لیا گیا تھا۔ یہ واقعہ دارالحکومت بوگوٹا سے 230 کلومیٹر دور پیش آیا۔ ہلاک ہونے والوں میں تین نابالغ بھی شامل تھے۔
یہ بھی پڑھیں: Landslides in China چین میں لینڈ سلائیڈنگ سے دو افراد ہلاک، سات لاپتہ
یو این آئی
