کابل:افغانستان کا دارلحکومت کابل کی پولیس ڈسٹرکٹ ایٹ میں افغان فورسز نے اسلامک اسٹیٹ (آئی ایس) کے ایک ٹھکانے پر چھاپہ مار کر کئی عسکریت پسندوں کو ہلاک کردیا ہے۔ طالبان کے ترجمان ذبیح اللہ مجاہد نے منگل کو یہ اطلاع دی۔ ذبیح اللہ مجاہد نے اپنے ٹویٹر اکاؤنٹ پر کہا کہ سیکورٹی فورسز نے پیر کی شام پولیس ڈسٹرکٹ 8 کے علاقے کارته نو علاقہ میں آئی ایس کے ایک اہم ٹھکانے پر حملہ کیاتھا، جس میں کئی دہشت گرد مارے گئے۔
چیف ترجمان نے کہا کہ چونکہ آپریشن کی جگہ رہائشی علاقے میں ہے اس لیے مقامی لوگوں کی حفاظت کے لیے آپریشن آہستہ اور احتیاط سے کیا جا رہا ہے۔ذبیح اللہ مجاہد نے کہا کہ آئی ایس کے انتہاپسندوں میں کئی غیر ملکی شہری شامل ہیں، لیکن انہوں نے اپنی شناخت نہیں بتائی ہے ۔ انہوں نے کہا کہ یہ دہشت گرد کابل میں ہونے والے حالیہ حملوں میں ملوث تھے۔
مزید پڑھیں:Explosion in Kabul داعش نے کابل میں مہلک بم دھماکے کی ذمہ داری لی، رپورٹس
واضح رہے کہ حالیہ دنوں میں افغان وزارت خارجہ کی عمارت کے باہر ایک سڑک پر دھماکہ ہوا جس میں پانچ شہری ہلاک ہوگئے تھے۔ تاہم، اسپوتنک کے ذرائع نے ہلاکتوں کی تعداد 21 بتائی ہے اطالوی ہیلتھ چیریٹی ایمرجنسی کے مطابق، 40 سے زائد افراد زخمی ہوئے، کنٹری ڈائریکٹر نے کہا کہ ہلاکتوں کی تعداد اب بھی بڑھ رہی ہے اور ایمرجنسی کا سرجیکل سینٹر پر اس کا کافی اثر پڑا ہے۔
یواین آئی۔
