اسلام آباد: حکومت پاکستان نے جمعرات کو سپریم کورٹ میں پاکستان تحریک انصاف (پی ٹی آئی) کے صدر عمران خان کے خلاف توہین عدالت کی درخواست دائر کی۔ یہ درخواست پی ٹی آئی صدر کی جانب سے اسلام آباد میں لانگ مارچ نکالنے کی اپیل کے تعلق سے دائر کی گئی ہے۔ اپنی درخواست میں وفاقی حکومت نے عدالت عظمیٰ کو بتایا ہے کہ پی ٹی آئی سربراہ اسلام آباد کی طرف جلوس نکالنے کا اعلان کر رہے ہیں جو عدالتی حکم کی خلاف ورزی ہے۔Contempt of Court against Imran Khan
درخواست میں یہ بھی کہا گیا ہے کہ عمران خان اسلام آباد پر حملے کا اعلان کر رہے ہیں۔ عرضی میں عدالت عظمی سے درخواست کی گئی ہے کہ وہ پی ٹی آئی سربراہ کو دھرنا اور مظاہرہ سے متعلق اس کے احکامات پر عمل کرنے کی ہدایت دے۔ پاکستانی میڈیا جیو نیوز کے مطابق یہ درخواست وزارت داخلہ نے وفاقی حکومت کی جانب سے دائر کی ہے۔
یہ بھی پڑھیں:
واضح رہے کہ ایک جلسے سے خطاب کے دوران عمران خان نے وزیر داخلہ رانا ثناء اللہ کو خبردار کرتے ہوئے کہا تھا کہ انہیں فکر کرنی چاہیے کیونکہ اس دفعہ ان کی پارٹی پوری تیاری کے ساتھ اسلام آباد کی طرف کوچ کرے گی۔ پی ٹی آئی کے سربراہ نے اپنے حامیوں سے کہا ہے کہ وہ تیار رہیں کیونکہ وہ کسی بھی وقت اسلام آباد تک حکومت مخالف لانگ مارچ کی اپیل کرسکتے ہیں۔ (یو این آئی)
