تیرانہ: یورپی یونین (ای یو) توانائی کے بحران سے نمٹنے کے لیے البانیہ کو 80 ملین یورو (7 کروڑ 97 لاکھ امریکی ڈالر) کی گرانٹ دے گا۔ یورپی یونین کی صدر ارسولا وان ڈیر لیین نے جمعہ کو یہ اطلاع دی۔European Union
انہوں نے کہا کہ توانائی امدادی پیکج 500 ملین یورو کے امدادی پیکیج کا حصہ ہوگا جو یورپی یونین مغربی بلقان کے ممالک کو توانائی کے بحران سے نمٹنے اور توانائی کے رابطوں، توانائی کی کارکردگی اور قابل تجدید توانائی میں سرمایہ کاری کے لیے دے گا۔ انہوں نے البانوی وزیر اعظم ایڈی راما کے ساتھ ایک مشترکہ پریس کانفرنس میں کہا کہ پیکیج کی فوری کھیپ اس مشکل دور میں البانوی خاندانوں اور چھوٹے کاروباروں کی مدد کرے گی اور ملک میں توانائی کی بلند قیمتوں کے اثرات کو کم کرنے میں بھی مدد کرے گی۔
قبل ازیں جمعرات کو وون ڈیر لیین مسٹر راما کے ہمراہ ایک ریلوے لائن کی تعمیراتی جگہ کا دورہ کیا جو دارالحکومت ترانہ کو بندرگاہی شہر ڈیورس اور تیرانہ کے بین الاقوامی ہوائی اڈے سے جوڑے گی۔ اس منصوبے کو یورپی بینک برائے تعمیر نو اور ترقی کی طرف سے مالی اعانت فراہم کی جا رہی ہے اور توقع ہے کہ یہ 2024 تک مکمل ہو جائے گا۔
یہ بھی پڑھیں:European Union یورپی یونین نے روس کے خلاف پابندیوں کا آٹھواں پیکج منظور کیا
یواین آئی
