اقوام متحدہ کے سیکریٹری جنرل انٹونیو گوٹریس نے شمال مغربی شام میں بڑھتی ہوئی کشیدگی کو مدِ نظر رکھتے ہوئے فوری طور پر جنگ بندی کرنے کی اپیل کی ہے۔
گوٹریس کے ترجمان سٹیفن دجارك نے کہا اقوام متحدہ کے سیکریٹری جنرل نے شمال مغربی شام میں بڑھتی ہوئی کشیدگی پر گہری تشویش ظاہر کی ہے اور فضائی حملوں میں ترکی کے کئی فوجی اہلکار وں کے مارے جانے پر افسوس کا اظہار کیا ہے۔
انہوں نے کہا 'سیکرٹری جنرل نے فوراَ جنگ بندی کی اپیل کی ہے اور فوجی کارروائیوں کی وجہ سے عام لوگوں کی زندگی کے لئے پیدا شدہ خطرات پر تشویش کا اظہار کیا ہے۔ فوری کارروائی نہیں کئے جانے کی معاملے میں کشیدگی میں شدت آنے کا خطرہ ہے'۔
انہوں نے کہا 'مسٹر گوٹریس نے کہا ہے کہ شام تنازعہ کا حل فوجی کارروائی سے نہیں ہو سکتا ہے۔ اس کا واحد پائیدار حل سلامتی کونسل کی قرارداد 2254 (2015) کے مطابق اقوام متحدہ کے سیاسی عمل سے ہی ممکن ہے'۔ اس سے پہلے ترکی کے صوبہ ہاتے کے گورنر رحمی دوغن نے کہا تھا کہ شام کی سرکاری سکیورٹی فورسز کی طرف ادلب صوبے میں کئے گئے فضائی حملے میں ترکی کے 33 فوجی ہلاک ہوئے ہیں۔
