ایران میں کورونا انفیکشن کے تیزی سے بڑھتے ہوئے کیسز کے درمیان گذشتہ 24 گھنٹوں کے دوران کووڈ 19 کے 15،294 نئے کیسز سامنے آئے ہیں، جس سے ملک میں متاثرہ افراد کی تعداد بڑھ کر 55 لاکھ آٹھ ہزار 885 ہوگئی۔
ایران کی وزارت صحت نے بتایا کہ گزشتہ 24 گھنٹوں میں 284 افراد ہلاک ہوئے جس کے بعد اس وبا سے ہلاک ہونے والوں کی تعداد بڑھ کر 1،18،792 ہو گئی ہے۔
وزارت کے مطابق ملک بھر میں کل 48 لاکھ 97 ہزار 876 افراد صحت یاب ہوچکے ہیں یا انہیں اسپتالوں سے فارغ کردیا گیا ہے، جبکہ 6،502 افراد انتہائی نگہداشت یونٹوں میں داخل ہیں۔
یہ بھی پڑھیں: وزیر اعطم مودی کی وائٹ ہاوئس میں امریکی صدر سے ملاقات
ملک میں جمعہ تک تین کروڑ سات لاکھ 380 افراد کو کورونا ویکسین کی پہلی خوراک اور ایک کروڑ 50 لاکھ 93 ہزار 292 لوگوں کو دونوں خوراکیں دی گئی ہیں۔
واضح رہے کہ ایران میں فروری 2020 میں کووڈ 19 کا پہلا کیس سامنے آئے تھا۔
یو این آئی
