سعودی عرب میں کورونا کے 1968 نئے کیسز

سعودی عرب میں اتوار کے روز کورونا وائرس کے 1968 نئے کیسز رپورٹ ہوئے ہیں جس سے یہاں متاثرہ افراد کی مجموعی تعداد 266941 ہوگئی۔ وزارت صحت نے اس بارے میں اطلاع دی۔

کوروناوائرس سےصحت یاب ہونے والے مریضوں کی تعداد میں بھی اضافہ ہوا ہے۔ چوبیس گھنٹوں کے دوران اس ملک میں 2541 نئے مریضوں کی شفایابی کے ساتھ اب تک مجموعی طور پر 220323 افراد صحت مند ہوچکے ہیں۔

دوسری جانب پچھلے 24 گھنٹوں کے دوران 30 مزید افراد کی اموات کے ساتھ ہلاک ہونے والوں کی مجموعی تعداد 2733 ہوگئی ہے۔ خیال رہے مملکت سعودی عرب میں وزارت صحت نے کورونا کے پھیلنے سے روکنے کے لئے متعدد اقدامات کیے ہیں۔