روسی حکومت ہوائی اڈوں کو امدادی رقم دے گی

روس کی حکومت کورونا وائرس کے سبب مسافروں کی کمی کے پیش نظر ملک کے ہوائی اڈوں کو 10.9 ارب روبیل (15.2 کروڑ ڈالر) کی امدادی رقم دے گی۔

روس کی حکومت پریس سروس نے یہ اطلاع دی۔ پریس سروس نے بتایا کہ اس سلسلے میں روسی وزیر اعظم میخائل مشستین نے ایک سرکاری حکم پر دستخط کیے ہیں۔ یہ رقم روسی صدر ولا دیمیر پتن کی ہدایت پر گورنمنٹ ریزرو فنڈ سے دی جائے گی۔ روس کی فیڈرل ایئر ٹرانسپورٹ ایجنسی اس فنڈ کے استعمال کو قابو میں کرے گی۔