برطانیہ کے پرنس ہیری اور ان کی بیوی میگھن نے شاہی خاندان کی سینئر رکنیت چھوڑنے کے بعد اب شاہی خطاب اور کاموں کے لئے عوامی فنڈز کا استعمال نہ کرنے کا فیصلہ کیا ہے۔
بکنگھم پیلس نے یہ اطلاع دی ہے۔ بکنگھم پیلس کی جانب سے جاری ایک بیان کے مطابق پرنس ہیری اور میگھن اب سرکاری طور پر ملکہ برطانیہ کی نمائندگی نہیں کریں گے اور وہ صرف ڈیوک آف سسیکس ہیری اور ڈچیزس آف سسیکس میگھن کے طور پر جانے جائیں گے۔
یہ جوڑا فروگمور کاٹیج کی تجدید کاری کیلئے خرچ ہونے والی رقم کو بھی اپنی مرضی سے ادائیگی کریں گے۔
بیان کے مطابق اس سال موسم خزاں تک نیا نظام نافذ ہو جائے گا۔ جوڑے کی جانب سے اعلان اس وقت آیا ہے جب ایک ہفتے پہلے انہوں نے شاہی خاندان کے سرگرم رکن کے درجے کو چھوڑنے کا اعلان کیا تھا۔
ملکہ الزبتھ دوم کی جانب سے جاری بیان میں کہا گیا ہے کہ انہیں خوشی ہے کہ ہم نے ساتھ مل کر اپنے پوتے اور ان کے خاندان کے لئے تخلیقی اور باہمی تعاون کے ساتھ راستہ تلاش کر لیا۔ ہیری، میگھن اور آرچي ہمیشہ میرے خاندان کے عزیز رکن رہیں گے
بکنگھم پیلس کی جانب سے اگرچہ دونوں کی سیکورٹی کے سلسلہ میں فی الحال کوئی اطلاع نہیں دی گئی ہے۔
