جنوب مشرقی یوروپی ملک کروشیا میں صدارتی انتخابات ایک ایسے وقت میں ہو رہے ہیں جب اس ملک کو یوروپی یونین کی صدارت مل گئی ہے۔ کرسمس سے عین قبل ہونے والے ان انتخابات میں کسی کو اکثریت نہ ملنے کی صورت میں پولنگ کا دوسرا مرحلہ 5 جنوری کو ہوگا۔
اس انتخاب میں موجودہ صدر کنزرویٹیو کولندا گرابر کیٹارووک اور دائیں اور بائیں بازو کے سر فہرست امیدواروں کے مابین سخت مقابلہ جاری ہے۔
ماہرین کا خیال ہے کہ اگر کولندا گرابر کیٹارووک صدارتی انتخاب ہار جاتی ہے تو ان کی پارٹی ایچ ڈی زیڈ سے وزیر اعظم آندریج پلینکووک کو اگلے برس کے پارلیمانی انتخابات میں ایک بڑا جھٹکا لگ سکتا ہے۔ آج صبح 6 بجے سے لے کر شام 6 بجے تک ووٹ ڈالے جائیں گے۔ اور ابتدائی نتائج شام سات بجے تک سامنے آنا شروع ہوجائیں گے۔
