جرمنی کے ایک ذبیحہ خانے میں سینکڑوں افراد کورونا سے متاثر

حکام نے بتایا کہ پلانٹ میں کم از کم 657 افراد کورونا سے مثبت پائے گئے ہیں۔ پلانٹ کا دعوی ہے کہ حالیہ واقعات کا تعلق مشرقی یورپ کی سرحدیں کھولے جانے کے بعد سفر کر کے آنے والے کارکنوں سے ہو سکتا ہے۔

جمعرات کے روز جرمنی کے سب سے بڑے ذبیحہ خانے 'ٹونیز' میں 600 سے زائد افراد کورونا سے متاثر پائے گئے ہیں۔

جرمنی کے وزیر داخلہ ہربرٹ ریول کا کہنا ہے کہ اگر تجارتی سرگرمیوں کو جاری رکھنے کی بات کی جائے تو ہمیں اس بات کو یقینی بنانا ہوگا کہ جن اصولوں پر اتفاق کیا گیا ہے، واقعی اس پر عمل کیا جائے۔

حکام نے بتایا کہ پلانٹ میں کم از کم 657 افراد کورونا سے مثبت پائے گئے ہیں۔ پلانٹ کا دعوی ہے کہ حالیہ واقعات کا تعلق مشرقی یورپ کی سرحدیں کھولے جانے کے بعد سفر کر کے آنے والے کارکنوں سے ہو سکتا ہے۔

ٹونیز کمپنی کے ترجمان نے بتایا کہ آنے والے دنوں میں کمپنی کے 6400 ملازمین کا کورونا ٹیسٹ کیا جائے گا۔