برٹش ایئر ویز کی 1500 پروازیں منسوخ

فضائی کمپنی برٹش ایئر ویز کے پائلٹز کی 9 اور 10 ستمبر کو ہڑتال کی وجہ سے کمپنی کو 1500 پروازیں منسوخ کرنی پڑی۔

اسپوتنك نے ’دی ٹیلیگراف‘کے حوالہ سے بتایا کہ ہڑتال سے دو لاکھ 80 ہزار مسافروں پر اثر پڑا ہے اور اس سے کمپنی کو 98 ملین ڈالر کا نقصان ہوا ہے۔

برطانوی ایئر لائن پائلٹ ایسوسی ایشن نے 23 اگست کو تنخواہ اور مراعات میں کمی کے تنازعہ پر 9 اور 10 ستمبر کو ہڑتال پر جانے کا فیصلہ کیا تھا۔

کمپنی نے پرواز منسوخ ہونے کے حالات میں تمام مسافروں سے اپنے اپنے گھروں میں رہنے کی درخواست کی ہے۔