گذشتہ روز پاکستان کے پشاور میں توہین رسالت کے ملزم قادیانی مسلک سے تعلق رکھنے والے طاہر احمد نسیم کے قتل پر امریکہ کے اسٹیٹ ڈیپارٹمنٹ نے رد عمل کا اظہار کرتے ہوئے اسے شرمناک حادثہ قرار دیا ہے۔
ڈیپارٹمنٹ کا کہنا ہے کہ پاکستانی حکومت کو چاہیے کہ اس سلسلے میں فوری کارروائی کرے اور ادارے میں مزید سدھار پیدا کرے تاکہ مستقبل میں اس جیسے حادثوں کو روکا جا سکے۔
خیال رہے کہ طاہر نسیم کو دو برس قبل توہین رسالت کے الزام کے تحت گرفتار کیا گیا تھا اور ان کا کیس عدالت میں زیر غور تھا۔ بدھ کو پشاور کے مقامی عدالت میں طاہر کی پیشی تھی، اسی دوران ایک نوجوان نے جج کے سامنے ملزم کو گولی مار کر قتل کر دیا۔
قتل کرنے والے کی شناخت خالد نامی ایک نوجوان کے طور پر کی گئی ہے اور اسے موقع پر ہی گرفتار کر لیا گیا تھا۔
واضح رہے کہ پاکستان میں توہین رسالت سے متعلق ایک قانون ہے، جس کے تحت اگر کوئی شخص توہین رسالت کا مجرم قرار پاتا ہے تو اسے ہر حال میں سزائے موت دی جائے گی۔
