اقوام متحدہ کے سکریٹری جنرل انتونیو گٹیرس نے افغانستان کے صوبہ ننگرہار میں ایک ضلعی انتظامی عمارت میں گذشتہ روز ہونے والے کار بم دھماکے کی شدید مذمت کی۔
اقوام متحدہ سے جاری کردہ ایک بیان میں سیکرٹری جنرل کے ترجمان اسٹیفن ڈوجرک کے مطابق سیکرٹری جنرل انتونیو گٹیرس نے تین اکتوبر کو افغانستان کے صوبہ ننگرہار کے ایک ضلعی انتظامی عمارت میں اس علاقے میں خود کش حملے کی شدید مذمت کی ہے جہاں بہت سے شہری موجود ہیں۔ ایسے جرائم کرنے والوں کو جوابدہ ہونا چاہئے'۔
بیان میں سکریٹری جنرل نے متاثرین کے اہل خانہ سے گہری ہمدردی کا اظہار کیا اور زخمیوں کی جلد صحت یابی کی خواہش کی ہے۔
بیان میں کہا گیا ہے کہ سکریٹری جنرل تنازعہ کے پر امن حل کے حصول کی فوری ضرورت کا اعادہ کرتے ہیں۔ اقوام متحدہ اس اہم کوشش میں افغانستان کے عوام اور حکومت کی حمایت کے لئے پرعزم ہے'۔
واضح رہے کہ افغانستان کے مشرقی صوبے ننگرہار میں گزشتہ روز ایک ضلعی دفتر کے باہر کار بم دھماکے میں کم از کم 15 افراد ہلاک اور 42 دیگر زخمی ہوگئے۔
- مزید پڑھیں: افغانستان میں دھماکہ، سات طالبان ہلاک
اطلاعات سامنے آئی ہیں کہ ننگرہار میں کار بم دھماکے میں پاکستان کی سب سے بڑی انٹیلیجنس ایجنسی آئی ایس آئی ملوث تھی یہاں تک کہ افغان حکومت نے طالبان اور دیگر عسکریت پسند گروہوں پر افغانستان کے عوام کے خلاف جاری جرائم کا الزام عائد کیا۔
