شام اور عراق میں داعش سرگرم: امریکہ

امریکہ نے کہا ہے کہ شدت پسند تنظیم داعش کے 14 تا 18 ہزار شدت پسند شام اور عراق میں سرگرم ہیں۔

پینٹگان کی او آئی ار رپورٹ میں اس بات کا ذکر کیا گیا ہے۔
واضح رہے کہ دسمبر میں امریکی صدر ڈونلڈ ٹرمپ نے اعلان کیا تھا کہ داعش کو شکست دی گئی اور ان کا خاتمہ کردیا گیا، جس کے بعد امریکی فورسز کو شام اور عراق سے ہٹانے کا اعلان کیا تھا۔
دوسری جانب مشترکہ ٹاسک فورس کی او آئی آر رپورٹ میں یہ بتایا گیا کہ شام اور عراق میں 14 تا 18 ہزار شدت پسند تنظیم کے ارکان موجود ہیں جن میں تین ہزار غیر ملکی بھی شامل ہیں۔
امریکی خصوصی نمائندہ برائے شام جیمس جیفری نے گذشتہ ہفتے کہا تھا کہ 15 ہزار شدت پسند شام اور عراق میں سرگرم ہیں۔