آذربائیجان اور آرمینیا کے مابین متنازعہ خطہ ناگورنو قرہباخ میں جب سے انسانی بنیادوں پر نئی جنگ بندی کا نفاذ ہوا ہے اس وقت سے حالات پرسکون ہے۔ آرمینیا کی وزارت دفاع نے یہ اطلاع دی ہے۔
غیر تسلیم شدہ ارتسخ جمہوریہ (ناگورنو قرہباخ جمہوریہ) کے سرکاری ترجمان وہرم پوگوسین نے اپنے فیس بک پیج پر لکھا ہے کہ یہ سیز فائر مقامی وقت کے مطابق آدھی رات سے نافذ ہوا۔
انہوں نے کہا کہ نگورنوکاراباخ خطے میں حالات فی الحال پرسکون ہے۔
خیال رہے کہ آذربائیجان اور آرمینیائی فوجوں کے مابین 27 ستمبر کو ناگورنو قرہباخ خطہ میں جنگ شروع ہوئی تھی۔
آرمینیا کی وزارت دفاع کے ترجمان شوشن اسٹیفن نے اپنے ٹیلیگرام چینل پر کہا فائر بندی انسانی بنیادوں پرہوچکا ہے اور خطے میں حالات پر سکون ہیں۔
ادھرآرمینیا کی وزارت خارجہ نے ایک بیان جاری کیا ہے جس میں کہا گیا ہے کہ انسانی بنیادوں پر معاہدہ روس، آرمینیا اور آذربائیجان کے وزرائے خارجہ کی جانب سے ماسکو میں جاری مشترکہ بیان پر مبنی ہے۔
آرمینیا کی وزارت خارجہ نے ہفتہ کے روز ایک بیان میں کہا کہ 'ہم 17 اکتوبرکو انسانی بنیادوں پر ہونے والے سیز فائر سمجھوتے کیلئے او ایس سی ای ( آرگنازئیشن فار اینڈ کو آپریشن ان یوروپ ) ، منسک گروپ کے شریک صدر ، فرانسیسی صدر امانوئل میکرون کے ساتھ متفق ہیں اور ان کی کوششوں کی ستائش کرتے ہیں'۔
بیان میں کہا گیا ہے انہیں یقین ہے کہ یہ معاہدہ ماسکو میں جاری مشترکہ بیان پر مبنی ہے ، جس میں جنگ بندی کے نافذ ہونے کی ضروریات کو بیان کیا گیا ہے۔
