افغان نیشنل ڈائریکٹریٹ آف سکوریٹی کے ذرائع نے پیر کو اسپوتنک کو بتایا کہ قندھار صوبے میں سیکیورٹی فورسز کے ساتھ شدید جھڑپوں کے دوران طالبان کو زبردست نقصان اٹھانا پڑا ہے۔
افغانستان میں ہونے والی ان جھڑپوں میں طالبان کے 175 عسکریت پسند ہلاک، جبکہ 26 دیگر زخمی ہو گئے، جس میں متعدد کمانڈرز بھی شامل ہیں۔
یہ جھڑپیں جنوبی صوبے قندھار کے ضلع ارغندب میں ہوئیں۔
ذرائع نے بتایا کہ رات میں ہونے والی ان جھڑپوں میں متعدد طالبانی کمانڈر بھی ہلاک ہوئے ہیں۔
طالبان کے ترجمان قاری یوسف احمدی نے ان رپورٹوں کو مسترد کرتے ہوئے کہا ہے کہ کچھ لوگ ہی مارے گئے ہیں۔
