متنا زعہ شہریت ترمیمی قانون اور نیشنل رجسٹریشن آف سٹیزن کے خلاف پورے بھارت میں بڑے پیمانے پر احتجاجی مظاہرے کیے جا رہے ہیں۔
اطلاع کے مطابق اس متنازعہ قانون سے متعلق آسٹریلیا کے شہر ملبورن میں مسلم جماعت کے لوگوں نے بڑی تعداد میں آپسی یکجہتی کی مثال پیش کرتے ہوئے بھارت کے اس کالے قانون کے خلاف سڑکوں پر نکل کر مظاہرہ کیا۔
اس احتجاج کی قیادت بھارت راجستھان سے تعلق رکھنے والے واجب علی نے کی، واجب علی بھرتپور 'نگر اسمبلی' حلقے کے رکن ہیں اور آسٹریلیا میں ان کا کاروبار ہے۔
بہوجن سماج پارٹی کے رہنما واجب علی نے آسٹریلیا کے میلبورن شہر کے لوگوں کو یکجا کر کے بھارت میں شہریت ترمیمی قانون کے خلاف جم کر احتجاج کیا۔
احتجاج سے خطاب کرتے ہوئے واجب علی نے کہا کہ 'موجودہ حکومت بھارتی آئین کا غلط استعمال کر رہی ہے اور وہ اس قانون کے ذریعے بھارتی مسلمانوں سے ان کی شہریت کو چھیننا چاہتی ہے۔'
مزید پڑھیں: برازیل کا فیصلہ، اسرائیلی ریاست کے ناجائز قبضے کی حمایت: او آئی سی
واجب علی نے کہا کہ 'ہم دستور پر یقین رکھتے ہیں، اور یہ صرف ووٹ بینک کی سیاست ہے۔'
انہوں نے کہا کہ 'بھارت میں مسلمان اقلیت میں ہیں، لیکن اس قانون کے نفاذ کے بعد تمام بھارتیوں کو خواہ وہ کسی مذہب سے تعلق رکھتے ہوں اپنی شہریت کا ثبوت دینا ہوگا۔'
