اسرائیل کے وزیراعظم بنجامن نتن یاہو نے سنیچر کو وزیراعظم نریندر مودی کو ٹیلی فون پر 71ویں یوم جمہوریہ کی مبارکباد پیش کی اور نئے برس کے لیے نیک خواہشات کا اظہار کیا۔
دونوں رہنماوں نے بات چیت کے دوران آپسی اسٹریٹجک شراکت کی اہمیت پر زور دیا اور دونوں ممالک کے مابین باہمی تعاون کے جذبے پر خوشی ظاہر کی۔
نریندر مودی نے زراعت، پانی اور اسٹارٹ اپ کے شعبے میں کیے گئے اقدامات پر زور دیا۔ دونوں رہنماوں نے علاقائی اور بین الاقوامی سطح کے معاملات میں خیالات شیئر کیے اور مستقبل کے منصوبوں اور ترقی کے سلسلے میں ایک دوسرے کے ساتھ رابطہ بنائے رکھنے پر بھی اتفاق کیا۔
