دنیا کے 150 سے زائد ممالک میں پھیلے کورونا وائرس کے تھمنے کا نام نہیں لے رہا ہے اور گزشتہ 24 گھنٹوں کے دوران اس خطرناک وائرس سے 786 افراد ہلاک اور تقریبا 15 ہزار 123 نئے کیسز درج کیے گئے ہیں۔ عالمی ادارہ صحت نے اپنی رپورٹ میں یہ اطلاع دی۔
ڈبلیو ایچ او کے مطابق مرنے والوں کی تعداد بڑھ کر 8593 ہو گئی۔ دنیا بھر میں اس وقت 206،250 افراد کورونا وائرس کی زد میں ہے جبکہ چین میں 81،155 اس وائرس سے متاثر ہیں اور تقریباً 3245 افراد کی اس وائرس کے زد میں آنے کے بعد موت ہو گئی ہے۔
ڈبلیو ایچ او کے مطابق گزشتہ 24 گھنٹوں کے دوران چین میں کورونا وائرس سے 13 اور چین کے باہر 773 افراد کی موت ہوئی ہے۔ چین میں اب تک 3245 افراد کی اس وائرس کی زد میں آنے سے موت ہوئی ہے جبکہ باقی اموات چین کے باہر ہوئی ہے۔
کورونا وائرس سے اب تک مغربی بحرالکاہل کے علاقے میں 3357، یوروپی علاقے میں 3352، جنوب مشرقی ایشیائی خطہ میں 538، مغربی ایشیا کے علاقہ میں 1010، امریکہ کے قریب پڑنے والے علاقوں میں 68 اور افریقی علاقے میں 4 افراد کی موت ہوئی ہے۔
اس کے علاوہ یہ وائرس دنیا کے 150 سے زائد ممالک میں اپنے پاؤں پھیلا چکا ہے اور چین سمیت دنیا کے دیگر ممالک میں صورتحال انتہائی سنگین ہے۔
