اسرائیل کے شہر تل ابیب میں ہزاروں افراد نے حکومت کے خلاف احتجاج کیا۔ مظاہرین کا الزام ہے کہ حکومت کی بد انتظامی کے سبب ملک کی معیشت میں تنزلی آئی ہے۔
مظاہرین ساحل سمندر کے ایک پارک میں یکجا ہوئے۔ انہوں نے اپنے ہاتھوں میں پلے کارڈ اٹھا رکھا تھا۔ ان میں سے ایک نے 'آوٹ آف ٹچ۔ وی آر فیڈ اپ' جیسے نعرے والا پلے کارڈ بھی لے رکھا تھا۔
حکومت کے خلاف مظاہروں کا یہ دوسرا ہفتہ ہے۔ اس دوران ناقدین کا کہنا ہے کہ ہزاروں خود کفیل افراد اور تاجروں کو مشکلات کا سامنا ہے اور حکومت کی جانب سے بہت کم امداد فراہم کی گئی ہے۔
موجودہ حالات میں ہونے والے مظاہروں میں اسرائیلی وزیر اعظم بنیامن نتن یاہو براہ راست مظاہرین کے نشانے پر ہیں۔ اس سے قبل یروشلم میں بھی لوگوں نے ان کے خلاف احتجاج کیا تھا۔
یروشلم میں پولیس نے مظاہرین پر واٹر کینن کا استعمال کر انہیں منتشر کرنے کی کوشش کی، کیوں کہ ملک میں لوگوں کے اجتماع پر پابندی عائد کی گئی ہے۔
اس بحران نے اسرائیل کی معیشت کو متاثر کیا ہے اور بے روزگاری میں بڑے پیمانے پر اضافہ ہوا ہے۔
