سعودی عرب کے شاہ سلمان بن عبد العزيز اور جرمنی کی چانسلر انجیلا میرکل نے فون پر جی 20 کے کام پر تبادلہ خیال کیا۔ سعودی میڈیا نے یہ جانکاری دی ہے۔
رپورٹ کے مطابق بات چیت میں جی 20 گروپ کے ممالک کے اجلاسوں کے ضمن میں یکجا کوششوں پر تبادلہ خیال ہوا۔
اس کا مقصد کورونا پر قابو پانا اور معمول کی زندگی کی طرف واپس آنا ہے۔ روں سال جی ٹوئنٹی گروپ کی صدارت سعودی عرب کے پاس ہے۔
میڈیا رپورٹس کے مطابق جرمن چانسلر نے جی ٹوئنٹی گروپ کے اجلاسوں کی تیاری اور انتظامی امور کے حوالے سے سعودی عرب کی کوششوں کو گراں قدر قرار دیا۔
انجیلا میرکل نے امید ظاہر کی کہ کرونا کے اثرات کا مقابلہ کرنے کے لیے بین الاقوامی یک جہتی کا سلسلہ جاری رہے گا۔
واضح رہے کہ دو روز قبل شاہ سلمان بن عبدالعزیز نے ٹیلی فون پر فرانسیسی صدر عمانوئل ماکروں سے بھی بات چیت کی تھی۔
