جاپان کے سابق وزیر قانون کاتسیویوکی کوائی نے جمعرات کو ایوان بالا میں اپنی بیوی کی نشست کو محفوظ رکھنے کے لیے ووٹ خریدنے کے الزام میں اپنی تین سال قید کی سزا کی منسوخی کی اپیل واپس لے لی۔
کوائی کے وکیل نے ان کی جانب سے ایک بیان جاری کیا ہے، جس کا حوالہ جاپانی خبر رساں ادارے کیوڈو نے دیا، "میری ساری غلطی ہے اور میں اسے تسلیم کرنے کے لیے تیار ہوں۔" جنہوں نے پیسے لیے، میں ان کے تئیں نرمی برتنے کی درخواست کرتا ہوں۔
کوائی سابق وزیر اعظم شنزو آبے کی حکومت میں وزیر قانون تھے اور اب وہ تقریبا ایک دہائی میں قید کی سزا قبول کرنے والے پہلے سابق وزیر بن گئے ہیں۔
کوائی نے اپنی اہلیہ اینری کوائی کے حلقہ ہیروشیما میں ووٹ خریدنے کے لیے 100 قانون سازوں کو 28.7 ملین ین (250،000 ڈالر) ادا کیے تھے اور یہ پتہ لگنے کے بعد عدالت نے ان سے 1.3 ملین ین ($ 11،400) ضبط کرنے کا فیصلہ بھی سنایا تھا۔
اینری کوائی کو جنوری میں ارکان پارلیمنٹ کو رشوت دینے کے جرم میں 16 ماہ کی جیل کی سزا سنائی گئی تھی اور اس فیصلے کو فروری میں حتمی شکل دی گئی تھی۔
(یو این آئی)
