چین میں کورونا وائرس سے نہ صرف چین بلکہ دنیا بھر میں ہنگامی صورتحال ہے۔ اس سے لوگوں کی اموات میں مسلسل اضافہ ہو رہا ہے۔ اس کے ساتھ ہی یہاں اس وائرس سے مرنے والوں کی تعداد 361 ہو گئی ہے ۔
چین کے نیشنل ہیلتھ کمیشن نے یہ معلومات دی ہے ۔ کمیشن کی طرف سے جاری کئے گئے نئے اعداد و شمار کے مطابق 2،103 مزید لوگوں میں کورونا وائرس پایا گیا ہے ۔
اس کے ساتھ ہی چین میں کورونا وائرس میں مبتلا مریضوں کی تعداد 17،205 ہو گئی ہے، جبکہ 21،558 مشتبہ مریضوں کی طبی جانچ کی جا رہی ہے ۔
واضح رہے کہ پر کورونا وائرس کا پہلا معاملہ گزشتہ سال دسمبر کے آخر میں چین کے صوبہ ووہان میں سامنے آیا تھا۔
اس وقت یہ وائرس 20 سے زائد ممالک میں پھیل چکا ہے۔ فرانس میں اس کے لیے ویکسین بنانے کی تیاری ہو رہی ہے۔ اور تقریبا 20 مہینوں میں ویکسین تیار کیے جانے کی بات کی گئی ہے۔
