چینی پولیس نے ایک ایسے جرائم پیشہ گروہ کے 80 سے زیادہ مشتبہ ارکان کو گرفتار کیا ہے جو نقلی کووڈ 19 ویکسین تیار کر کے فروخت کررہا تھا۔ اس گروہ میں دوسرے ممالک کے ارکان بھی شامل تھے۔
یہ ویکسین چین اور دوسرے ممالک میں فروخت کی گئی لیکن ابھی تک یہ واضح نہیں ہوا ہے کہ ان میں کون کون سے ممالک کا نام شامل ہیں۔ مقامی میڈیا کے مطابق یہ گروپ گزشتہ برس ماہ ستمبر سے سرگرم تھا۔
چینی وزارت خارجہ کے ترجمان وانگ وین بین نے اپنے ڈیلی بیان میں کہا کہ 'چین پہلے ہی متعلقہ ممالک کو ایسی صورتحال کے بارے میں اطلا دے چکا ہے۔'
یہ بھی پڑھیں: میانمار میں فوجی بغاوت کے بعد جوبائیڈن کا انتباہ
وانگ نے کہا کہ چینی حکومت ویکسین کے تحفظ کو بہت اہمیت دیتی ہے اور کسی بھی جعلسازی، جعلی فروخت، غیر قانونی کاروبار اور ویکسین سے وابستہ دیگر متعلقہ اقدامات پر سختی سے قانونی کارروائی کے لیے کوششیں جاری رکھے گی۔ اس کے ساتھ ہی چین اس طرح کی غیر قانونی اور مجرمانہ کارروائی کے پھیلاؤ کو پوری شدت سے روکنے کے لیے متعلقہ ممالک کے ساتھ ہمارے قانون نافذ کرنے والے تعاون کو مضبوط بنائے گا۔
