ہیرات صوبہ کے پولس کے ترجمان عبدالاحد کےمطابق ’’مسافروں سے بھری ہوئی بس سنیچر کو ہیرات کے کابل کی جانب جارہی تھی کہ تبھی قندھار کے نزدیک بس سڑک کنارے نصب بارودی سرنگ کی زد میں آگئی اور دھماکہ ہوگیا۔ اس دھماکے میں دو مسافروں کی موت ہوگئی جبکہ دس دیگر زخمی ہوگئے۔
اسپتال کے ذرائع کےمطابق زخمیوں میں سے تین کی حالت سنگین ہے۔
پولس نے اس بم دھماکے کے لیے طالبان کو ذمہ دار قرار دیا ہے، پولس کے مطابق طالبان لوگوں میں دہشت پیدا کرنے کے لیے اس قسم کے دھماکوں کو انجام دیتے ہیں، طالبان نے اس دھماکے کے سلسلے میں کسی طرح کی رائے کا اظہار نہیں کیا ہے۔
