امریکہ اور چین میں کورونا وائرس ’ كووڈ 19‘ کے پھیلاؤ کے سلسلے میں جاری الزام تراشیوں کے درمیان امریکہ نے چینی صحافیوں کے ویزے کی مدت کم کرکے تین ماہ کے لئے کر دی ہے۔
ہوم سکیورٹی ڈیپارٹمنٹ نے جمعہ کو یہ اطلاع فراہم کرتے ہوئے کہا کہ 'چینی صحافیوں کو ان کے کام ختم ہونے تک کے لئے ویزے کی مدت فراہم کی جائے گی اور یہ مدت 90 دن سے زائد نہیں ہوگی'۔
محکمہ نے بتایا کہ فی الحال کسی غیر ملکی میڈیا کے نمائندوں کے لئے کوئی مستقل مدت نہیں تھی لیکن نئی ہدایات میں چین کے صحافی تین ماہ سے زائد وقت کے لئے امریکہ میں نہیں ٹھہر سکیں گے ۔
