امریکی ریاست ورجینیا میں سکوریٹی کو ہائی الرٹ پر رکھا گیا ہے۔ انتظامیہ کو ڈر ہے کہ ہزاروں کی تعداد میں لوگ پرو گن ریلی میں رچمنڈ شہر میں آئیں گے، اس لیے ریلی سے تشدد پھوٹ سکتا ہے۔
ریاستی گورنر رالف نارتھم نے اتوار کے روز 'لابی ڈے' کی ریلی سے قبل ہی ریاست میں کیپیٹل بلڈنگ کے آس پاس آتش گیر گولے پر پر پابندی عائد کرنےکے ساتھ ایمرجنسی کا اعلان کر دیا۔
فیڈرل ایوی ایشن ایڈمنسٹریشن نے عارضی طور پر پروازوں کو روک دیا۔ انتظامیہ نے کسی بھی طیارے یا ڈرون کو شہر کے اوپر پرواز کو غیر قانونی قرار دے دیا۔
یہ ریلی ایک سالانہ تقریب ہے، لیکن جنوری میں ڈیموکریٹ کی قیادت والی ورجینیا کی اسمبلی نے ریاست میں بندوقوں کے کنٹرول سے متعلق متعدد بل منظور کرلیے، جہاں تاریخی طور پر بندوق کے حقوق کی اجازت دی گئی ہے۔
اسی لیے بندوق کے حامی اور سماجی کارکنان مقننہ کے اس فیصلے سے شدید ناراض ہیں۔
