امریکہ کی جان ہاپکنز یونیورسٹی کے سائنس اور انجینئرنگ سینٹر(سی ایس ایس ای)کے تازہ اعداد و شمار کے مطابق برازیل میں کورونا سے متاثرین کی تعداد 7 لاکھ 7 ہزار 412 ہوگئی ہے حالانکہ متاثرین کے صحتیاب ہونے کی شرح 53.47 فیصد ہے۔
سی ایس ایس ای کے مطابق اب تک 3 لاکھ 78 ہزار 257 لوگ صحتیاب ہوچکے ہیں۔
وزارت صحت کے مطابق اس دوران گزشتہ 24 گھنٹوں میں 679 لوگوں کی موت کے بعد ہلاک شدگان کی تعداد 37 ہزار 991 ہوگئی ہے۔
پوری دنیا میں کورونا انفیکشن کے معاملے میں برازیل امریکہ کے بعد دوسرے مقام پر ہے۔ سُپر پاور مانے جانے والے امریکہ میں کورونا وائرس سے اب تک 19 لاکھ 61 ہزار 185 لوگ متاثر ہوچکے ہیں اور ایک لاکھ ایک ہزار 7 لوگوں کی موت ہوچکی ہے۔ اموات کے معاملے میں امریکہ اور برطانیہ کے بعد برازیل تیسرے نمبر پر ہے۔
