امریکی صدر ڈونلڈ ٹرمپ نے ڈیموکریٹک پارٹی پر انتخابات میں دھاندلی کا الزام عائد کرتے ہوئے کہا ہے کہ انتخابی نتائج سے متعلق سپریم کورٹ کوئی حتمی فیصلہ کر سکتی ہے۔
وائٹ ہاؤس میں صحافیوں سے خطاب کرتے ہوئے مسٹر ٹرمپ نے کہا کہ 'ہمیں یقین ہے کہ ہم انتخابات آسانی سے جیت جائیں گے۔ ہمارا ماننا ہے کہ انتخابی نتائج کے حوالے سے بہت ساری درخواستیں دائر کی جائیں گی کیونکہ ہمارے پاس انتخاب میں دھاندلی کے کافی ثبوت ہیں۔ شاید ملک کی اعلی عدالت اس کا فیصلہ کرسکتی ہے'۔
امریکی صدر نے ایک بار پھر انتخابات میں اپنی فتح کا دعوی کرتے ہوئے کہا اگر غیر قانونی ووٹوں کی گنتی کی جاتی ہے تو میں آسانی سے جیت جاؤں گا۔
انہوں نے کہا کہ 'ڈیموکریٹک پارٹی غیر قانونی ووٹوں کے ذریعہ انتخابی نتیجہ ہمارے حق میں بنانے کی کوشش کر رہی ہے۔ میں فیصلہ کن اہم سمجھی جانے والی متعدد ریاستوں کو جیت چکا ہوں۔ ہم نے تاریخی فتح درج کرلی ہے'۔
