امریکہ کے دارالحکومت واشنگٹن ڈی سی میں نیشنل انسٹی ٹیوٹ برائے الرجی اور متعدی امراض کے ڈائریکٹر ڈاکٹر فاوچی نے بتایا کہ امریکہ میں کورونا وائرس کے سبب شدید مشکلات کا سامنا ہے۔
انہوں نے کہا کہ امریکہ بہت مشکل صورتحال میں ہے اور یہ صورتحال کافی پریشان کن ہے۔ ان کا کہنا ہے کہ انہوں نے یہ باتیں عوامی سطح پر کئی بار کہی ہیں۔ لوگوں کو ڈرانے کے لئے نہیں، بلکہ حقیقت کا جائزہ لینے کے لیے کہ صحیح صورتحال کیا ہے۔ امریکہ میں 10 ملین کورونا متاثرین ہیں۔ تقریبا ڈھائی لاکھ افراد ہلاک اور 60 ہزار ہسپتال میں داخل ہیں۔ اب آخری شمار کے مطابق ایک ہی دن میں 1 لاکھ 43 ہزار متاثرین تھے۔
ڈاکٹر فاوچی نے کہا کہ انہوں نے چار ماہ قبل کانگریس کے سامنے کہا تھا کہ اگر اس پر قابو نہیں پایا گیا تو ایک دن میں ایک لاکھ انفیکشن تک پہنچ سکتے ہیں۔ لوگوں کا خیال تھا کہ میں مبالغہ آرائی کر رہا ہوں۔ اب دیکھو کیا ہو رہا ہے۔ یہ بُری خبر ہے۔
ان کا کہنا ہے کہ 'میں مانتا ہوں کہ لوگوں کو یہ سمجھنے کی ضرورت ہے کہ صحت عامہ کے اقدامات، ملک میں لاک ڈاؤن کے بجائے ماسک پہننا، سوشل ڈسٹنسنگ، بھیڑ والی جگہوں پر اجتماع سے گریز اور گھر کے اندر رہ کر ہاتھ دھونا۔ یہ آسان لگتا ہے۔ یہی رخ موڑ سکتا ہے اور یہی کرنے کی ضرورت ہے'۔
