عالمی وبا کورونا وائرس (کووڈ۔19) کی وجہ سے عائد پابندی کے آٹھ ماہ بعد جنوبی امریکی ملک چلی کی سرحدوں کو دوبارہ کھول دیا گیا ہے۔
چلی حکومت نے ایک بلیٹن میں کہا 'چلی غیر ملکی شہریوں کو کووڈ-19 وبائی مرض پر بندش کے آٹھ ماہ بعد بیرون ممالک کے افراد یا سیاحوں کو ملک میں داخل ہونے کی اجازت دے گی۔ جس کا آغاز 23 نومبر سے ہوگا'۔
اس اقدام کے بعد غیر ملکی شہری صرف سینٹیاگو کے بین الاقوامی ہوائی اڈے پر پہنچ سکیں گے۔
آنے والے غیر ملکیوں کو چلی پہنچنے کے بعد 72 گھنٹوں کا قرنطینہ کرنا ہوگا، جس کے بعد انھیں کورونا کا ٹسٹ بھی کروانا ہوگا۔
واضح رہے کہ چلی کی سرحدیں غیر ملکی شہریوں کے لئے 18 مارچ سے کورونا وائرس وبائی امراض کے لئے بند کر دی گئیں ہیں۔
جان ہاپکنز یونیورسٹی کے مطابق عالمی ادارہ صحت نے 11 مارچ 2020 کو کورونا وائرس پھیلنے کو وبائی بیماری قرار دیا ہے۔
جان ہاپکنز یونیورسٹی کے مطابق اس کے بعد سے لے کر آج تک دنیا بھر میں 52.5 ملین سے زیادہ افراد کورونا وائرس سے متاثر ہوئے ہیں، جن میں 1.29 ملین سے زائد اموات ہوئیں ۔
چلی میں اب تک 520،000 سے زیادہ کورونا وائرس کے معاملات کی تصدیق ہوچکی ہے، تو وہیں تقریبا 15،000 اموات بھی ہوئیں۔
