کیلیفورنیا کے گورنر دفتر نے اطلاع دیتے ہوئے کہا کہ ’گورنر گیون نیوسم نے آگ پر قابو پانے کے مقصد سے آج فریسنو، مدیرا اور ماریپوسا سمیت دیگر کئی کاونٹی میں ایمرجنسی نافذ کرنے کا اعلان کیا ہے۔
کیلیفورنیا کے جنگلات میں بھیانک آتشزدگی
کیلیفورنیا کے محکمہ جنگلات و فائر پروٹیکشن کے مطابق جنگلوں میں لگی آگ 45500 سے زائد ایکڑ میں پھیل چکی ہے۔ آتشزدگی کے سبب ہزاروں افراد کو اپنا گھر چھوڑ کر محفوظ مقامات پر پناہ لینے کے لیے مجبور ہونا پڑا ہے۔ آگ بجھانے کے کام میں تقریباً 14800 فائر اہلکار مصروف ہیں۔ اب تک 10500 سے زائد افراد کو بحفاظت بچایا جاچکا ہے۔
کیلیفورنیا میں 15 اگست کے بعد سے اب تک آگ لگنے کے 900 سے زیادہ واقعات سامنے آئے ہیں، جس کی وجہ سے 16 لاکھ ایکڑ سے زیادہ جنگل جل کر خاک ہوگئے ہیں۔ اب تک آٹھ افراد کی موت ہوچکی ہے جبکہ تقریباً 3300 مکان و دیگر ڈھانچے جل کر خاک ہوگئے ہیں۔
