امریکہ میں ہونے والے صدارتی انتخابات کے لئے ڈیموکریٹک پارٹی کے ممکنہ امیدوار جو بائیڈن نے کہا ہے کہ 'وہ عالمی وبا کورونا وائرس کے پیش نظر ڈاکٹرز کے مشورے کے بعد اب انتخابی مہم کے لئے کوئی ریلی نہیں کریں گے۔'
یہ اعلان بائیڈن نے منگل کے روز ڈیلاویر ریاست میں ایک پروگرام کے دوران کیا۔
انہوں نے کہا کہ 'میں کوویڈ 19 کے مدنظر ڈاکٹرز کے احکامات پر عمل پیرا ہوں، یہ نہ صرف میرے لئے بلکہ ملک کے لئے بھی بہتر ہوگا۔ اس کا مطلب میں اب انتخابی مہم کے لئے کوئی ریلی نہیں کروں گا۔'
ڈیمینشیا میں مبتلا ہونے کے الزام پر سابق نائب صدر بائیڈن نے کہا 'سبھی کو ان کے اور صدر ڈونالڈ ٹرمپ کے مابین ہونے والی بحث کا انتظار کرنا چاہئے۔ میں اس آدمی سے اپنی علمی قابلیت کا موازنہ کرنے کے لئے متجسس ہوں جس کے خلاف میں الیکشن لڑنے جارہا ہوں۔'
