امریکہ میں کورونا سے صحتیاب افراد سے پلازمہ عطیہ کرنے کی اپیل

صحتیاب مریض کے پلازمہ میں کووڈ 19 اینٹی باڈیز ہوتی ہیں جو مدافعتی نظام کو وائرس سے لڑنے میں مدد فراہم کرتی ہیں۔

کورونا وائرس سے بری طرح متاثر ہونے والے ملک امریکہ کے فوڈ اینڈ ڈرگ ایڈمنسٹریشن نے کورونا کی وبا کو اگست کے اختتام تک مکمل کنٹرول کرنے کے لئے صحتیاب افراد سے پلازمہ عطیہ کرنے کی اپیل کرنے کا فیصلہ کیا ہے۔

ایف ڈی اے کا کہنا ہے کہ کوروناوائرس کے صحتیاب مریض اپنا پلازمہ عطیہ کرکے وبا سے لڑنے والے مریضوں کی مدد کرسکتے ہیں۔

واضح رہے کہ صحتیاب مریض کے پلازمہ میں کووڈ 19 اینٹی باڈیز ہوتی ہیں جو مدافعتی نظام کو وائرس سے لڑنے میں مدد فراہم کرتی ہیں۔