امریکہ میں شدید برفانی طوفان، ایک ہزار پروازیں منسوخ

امریکہ کی وسطی ریاستیں برفانی طوفان کی لپیٹ میں آ گئیں، جس کے سبب سینکڑوں پروازیں منسوخ کردی گئیں۔ کئی علاقوں میں دو دو فٹ تک برف جمنے کی وجہ سے معمولات زندگی بری طرح متاثر ہوئے۔

شدید برفانی طوفان 'بم سائیکلون' کے سبب سڑکوں پر حادثات بھی پیش آئے۔ پروازوں کی منسوخی کے علاوہ سرکاری دفاتر، سکول اور کاروباربند ہو گئے۔ درجنوں گاڑیاں برفانی طوفان میں پھنس گئیں۔

امریکہ کے محکمۂ موسمیات نے کولوراڈو ویومنگ، نیبرسکا اور ڈیکوٹاس میں وارننگ جاری کرتے ہوئے لوگوں کو غیر ضروری سفر نہ کرنے کی اپیل کی ہے۔

محکمہ موسمیات نے نیو میکسیکو، ٹیکساس، اولاہوما اور کنساس میں 110 کلومیٹر فی گھنٹہ کی رفتار سے ہوائیں چلنے کی پیش گوئی کی ہے۔