امریکی پارلیمنٹ کے ایوان زیریں یعنی ایوان نمائندگان نے ایک قرارداد منظور کرکے صدر ڈونلڈ ٹرمپ کی جانب سے جنوبی سرحد پر دیوار تعمیر کے معاملے پر کئے گئے قومی ایمرجنسی کے اعلان کو ختم کر دیا۔
ایوان نمائندگان نے منگل کو 245-182 کی اکثریت سے اس قراردادکو منظور کرلیا۔ اب یہ قرارداد مشاورت کے لیے امریکی پارلیمنٹ کے ایوان بالا یعنی سینیٹ کے پاس جائے گا۔
ٹرمپ نے اسی ماہ امریکہ-میکسیکو جنوبی سرحد پر دیوار بنانے کے لیے آٹھ ارب ڈالر کی رقم مختص کرنے کا مطالبہ کرتے ہوئے قومی ایمرجنسی کا اعلان کیا تھا۔امریکی صدر کا کہنا ہے کہ یہ دیوار عسکریت پسندوں اور مجرموں سے ملک کے دفاع کے لیے بہت اہم ہے۔
امریکی کانگریس نے دیوار کی تعمیر کے لیے مانگی گئی 5.7 ارب ڈالر کی رقم دینے سے انکار کر دیا تھا، جس کے بعد ٹرمپ نے اس کے لیے آٹھ ارب ڈالر کی رقم کی ضرورت بتاتے ہوئے قومی ایمرجنسی کا اعلان کر دیا تھا۔
