ان حملوں میں ایک مسافروں سے بھری گاڑی اور ایک کھانا سپلائی کرنے والی گاڑی کو نشانہ بنایا گیا ہے۔
عسکریت پسندوں نے یہ حملہ اتوار کی رات کو کیا۔پہلے واقعہ میں عسکریت پسندوں کے ذریعہ کیے گئے کار بم دھماکے میں پانچ افراد ہلاک ہوئے اور دیگر چھ افراد زخمی ہوگئے۔
جبکہ دوسرے واقعہ میں فوڈ سپلائی کرنے والی گاڑی پر موٹر سائیکل پر سوار چند عسکریت پسندوں نے فائرنگ شروع کردی جس میں 14سے زیادہ افراد ہلاک ہوگئے۔یہ واردات پہلے واقعہ کی جگہ سے تقریباً 50 کلومیٹر دور انجام دی گئی۔
مقامی میڈیا کے مطابق ان سفاکانہ قتل عام کے بعد ٹرانسپورٹ سکیورٹی کو یقینی بنانے کے لیے سبھی ضروری قدم اٹھانے کی یقین دہانی کی گئی۔
واضح رہے کہ برکینا فاسو انصار الاسلام اور اس کے حامی گروپوں اسلام اینڈمسلمس کے جنگجوؤں کی وجہ سے سکیورٹی چیلنجز کا سامنا کررہا ہے۔ان دونوں گروپوں کے جنگجو مسلسل عام لوگوں کو نشانہ بناتے رہتے ہیں۔
