مصر کے اسکندریہ شہر میں ضرورت مندوں کو کھانا مہیا کرانے کے لیے ایک نئے پروجیکٹ کی شروعات کی گئی ہے۔
شہر کے مختلف علاقوں میں 'آو ہمارے ساتھ کھاو' جیسی اسکیم کے تحت مفت میں کھانا مہیا کرانے کی ایک نئی پیش قدمی ہے۔
کھانے کی بربادی کو کم کرنا اور ضرورت مندوں تک کھانا پہنچانا اس پروجیکٹ کا مقصد ہے۔
پروجیکٹ کی ترجمان روان عمر کا کہنا ہے کہ 'جب ہم سے یونیورسٹی میں ہمارے گریجویشن پروجیکٹ کے بارے میں سوال کیا گیا کہ مصر میں فاقہ کشی کا کیا حل ہے، تو ہمارے ذہن میں 'آو ہمارے ساتھ کھاو' کا خیال آیا۔ کیوںکہ ملک میں بڑے پیمانے پر کھانا برباد کر دیا جاتا ہے، جبکہ ایک بڑی تعداد خط افلاس سے نیچے زندگی گذار رہی ہے'۔
اس پروجیکٹ کو مزید موثر بنانے کے لیے آن لائن کھانا فراہم کرنے والی کمپنی 'تیاری' کی شمولیت نے اہم کردار ادا کیا ہے۔
پروجیکٹ کی شروعات یونیورسٹی کے 7 طلبا کے ذریعہ کی گئی تھی۔ اب تک 9 کیبنیٹز کو اسکندریہ شہر میں لگایا گیا ہے۔ اور پروجیکٹ کو مزید توسیع کرنے کی کوشش کی جا رہی ہے۔
