ڈوڈہ میں ٹھیکہ داروں کا احتجاج
ریاست جموںکشمیر کے پہاڑی ضلع ڈوڈہ میں ٹھیکہ داروں نے بقایہ جات رقومات کی ادائگی کے لیے بدھ کو مسلسل تیسرے روز احتجاج کیا۔
ٹھیکہ داروں نے حکام پر بِلوں کو جان بوجھ کر التواء میں رکھنے کا الزام عائد کیا ہے۔
احتجاجی مظاہرین کا کہنا تھا کہ نا معلوم وجوہات کی بنیاد پر بقایا اجرتوں کو واگزار نہیں کیا جا رہا ہے جس وجہ سے ترقیاتی کاموں پر اثر پڑ رہا ہے۔
ٹھیکہ داروں کا کہنا تھا کہ انہیں احتجاج کے لئے مجبور کیا جاتا ہے۔
اُنہوں نے متعلقہ افسران سے اپیل کرتے ہوئے کہا کہ اس معاملے میں مداخلت کرکے مذکورہ ٹریزری افسران کے خلاف کارروائی عمل میں لائی جائے اور انکی بقایا رقومات کواداکیا جائے۔ بصورت دیگر ’’ہم احتجاج میں شدت لانے کیلئے مجبور ہو جائیں گے۔‘‘
