ممبئی: بالی ووڈ سپر اسٹار شاہ رخ خان نے پٹھان کے دوسرے گانے 'جھومے جو پٹھان' کی ایک جھلک پیش کی ہے۔ اداکار نے یہ بھی بتایا کہ گانا کب ریلیز ہونے والا ہے۔ شاہ رخ خان نے فلم کے دوسرے گانے 'جھومے جو پٹھان' کا پوسٹر شیئر کیا ہے جس میں شاہ رخ خان اور دیپیکا پڈوکون خوبصورت نظر آرہے ہیں!Pathaan's second song Jhoome Jo Pathaan
شاہ رخ خان نے انسٹاگرام پر 'جھومے جو پٹھان' گانے کی ریلیز کی تاریخ شیئر کی اور بتایا کہ ' جھومے جو پٹھان۔۔ میری جان۔۔۔۔محفل ہی لوٹ جائے۔۔صبر رکھئیے۔ کل ٹھیک صبح 11 بجے، وعدہ رہا پٹھان کا'۔ یشراج فلمز 50 کے ساتھ پٹھان کا جشن منائیں۔ 25 جنوری 2023 کو آپ کے قریبی سنیما گھروں میں ہندی، تمل اور تیلگو میں ریلیز ہورہی ہے'۔
- " class="align-text-top noRightClick twitterSection" data="
">
اس گانے کے بارے میں بات کرتے ہوئے فلم کے ہدایت کار سدھارتھ آنند نے پہلے بتایا تھا کہ 'جھومے جو پٹھان، پٹھان کی روح کا انمول حصہ ہے، جس کا کردار شاہ رخ خان نے ادا کیا ہے۔ یہ گانا سپر اسپائی پٹھان کی شخصیت کی خوبیوں کو بتائے گا۔ اس کی توانائی، اس کا جذبہ، اس کا اعتماد کسی کو بھی دھنوں پر رقص کرنے پر مجبور کر سکتا ہے'۔
انہوں نے مزید کہا کہ ' اس گانے میں شاہ رخ خان اور دیپیکا پڈوکون اہم کردار میں ہیں۔ یہ گانا قوالی کا جدید ترین ورژن ہے اور یہ پٹھان کے اسٹائل کو دکھائے گا۔ ہمیں شاہ رخ خان کو موسیقی کی دھن میں تھرکتے دیکھتے ہوئے کچھ عرصہ ہوگیا ہے اور ہم امید کر رہے ہیں کہ لوگ اپنے پسندیدہ سپراسٹار کو رقص کرتے ہوئے دیکھنا پسند کریں گے'۔
سدھارتھ نے مزید کہا کہ ' جھومے جو پٹھان میں دیپیکا پڈوکون بھی ہیں جو ایک بار پھر خوبصورت اوتار میں نظر آنے والی ہیں۔ اسکرین پر ان کی جوڑی جلوہ افروز نظر آتی ہے اور یہ گانا دنیا کے ہر اس شخص کے لیے خاص ہونے والا ہے جو شاہ رخ اور دیپیکا کو آن اسکرین جوڑی کے طور پر دیکھنا پسند کرتے ہیں'۔
واضح رہے کہ فلم کا پہلا گانا 'بیشرم رنگ' 12 دسمبر کو ریلیز کیا گیا تھا۔اسے وشال اور شیکھر نے کمپوز کیا ہے اور اس کے بول کمار نے لکھے ہیں۔ اس گانے کی ریلیز کے بعد سے فلم پٹھان تنازع کا شکار ہے۔ فلم کے خلاف مسلسل بائیکاٹ کے مطالبہ کی آواز اٹھ رہی ہے۔ کئی بی جے پی رہنما سمیت کچھ سوشل میڈیا صارفین نے فلم کے گانے پر ہندوؤں کے جذبات مجروح کرنے کا الزام عائد کیا ہے۔
