سابق اداکارہ سومی علی نے بالی ووڈ میں اپنے پرانے دنوں کو یاد کیا اور سیف علی خان اور پریم چوپڑا کے ساتھ اپنی فلم کے سیٹ سے تصاویر شیئر کیں۔ انہوں نے فلم 'آؤ پیار کریں' کے 29 سال مکمل ہونے پر یہ تصویر شیئر کی ہیں۔ منگل کو انسٹاگرام پر سومی نے آو پیار کریں (1994) کے سیٹ سے '29 سال پہلے' کی کئی تصاویر شیئر کیں۔ سیف کے بارے میں بات کرتے ہوئے سومی نے کہا کہ ان کا 'مزاحیہ انداز حقیقی زندگی کے اسٹینڈ اپ کامیڈی سے کم نہیں تھا' اداکارہ نے تین تصاویر شیئر کی ہیں۔ پہلی تصویر ایک بلیک اینڈ وائٹ کولاج تصویر ہے جس میں سومی علی اور سیف کیمرے کے سامنے مسکراتے اور رومانوی انداز میں نظر آرہے ہیں۔ دوسری تصویر میں سومی اور سیف کو پھولوں کا گلدستہ تھامے مسکراتے ہوئے دیکھا جاسکتا ہے۔
- " class="align-text-top noRightClick twitterSection" data="
">
آخری تصویر میں سومی پریم چوپڑا کے ساتھ نظر آرہی ہیں۔ ان تصاویر کو شیئر کرتے ہوئے سومی نے لکھا کہ 'یقین نہیں آتا کہ یہ 29 سال پہلے کی بات ہے!!! وقت یقینی طور پر جلد گزر جاتا ہے! پریم جی کے ساتھ کام کرنے اور ان کی بیٹی کا کردار ادا کرنے کا موقع ملا ہے، دلچسپ بات یہ ہے کہ وہ ان چند اچھے لوگوں میں سے ایک ہیں جن کی میری انڈسٹری میں ملاقات ہوئی'۔ سومی نے مزید لکھا کہ 'سیف اپنی مزاحیہ انداز سے ہمیں اتنا ہنساتے تھے کہ ہمارے پیٹ میں درد ہوجاتا تھا اور ان کا یہ انداز حقیقی زندگی کے اسٹینڈ اپ کامیڈی سے کم نہیں تھا اور وہ سیت پر ماحول کو ہمیشہ پرلطف اور مزے دار بنائے رکھتے تھے'۔
پوسٹ پر ردعمل ظاہر کرتے ہوئے، ایک مداح نے لکھا کہ ' آپ تو بالکل ویسی ہی لگ رہی ہیں'۔ ایک نے لکھا کہ 'کتنی شاندار پرانی تصویر ہے'۔ واضح رہے کہ سال 1994 میں ریلیز ہوئی فلم آؤ پیار کریں ایک رومانٹک ڈرامہ فلم ہے جس کی ہدایت کاری رویندر پیپت نے کی ہے۔ فلم میں سیف علی خان، سومی علی اور شلپا شیٹھی نے کام کیا ہے۔ راکیش بیدی، پریم چوپڑا، گلشن گروور، مکیش کھنہ، ہمانی شیو پوری بھی فلم کا حصہ تھے۔ یہ 1992 کی تمل فلم چیمبروتھی کا ریمیک ہے۔
