حیدرآباد: اکشے کمار اور مانوشی چھلر کی فلم 'سمراٹ پرتھویراج' جمعہ (3 جون) کو سینما گھروں میں ریلیز ہوئی۔ فلم کی پہلے دن کی کمائی مایوس کن ہے۔ یہ فلم اکشے کمار کے کیرئیر کو بھی نقصان پہنچا سکتی ہے۔ ساؤتھ فلم انڈسٹری کے سپر اسٹار کمل ہاسن کی فلم وکرم نے 3 جون کو 'سمراٹ پرتھویراج' کے ساتھ باکس آفس پر پہلے ہی دن دھوم مچا دی ہے اور کمائی کے معاملے میں اس نے 'سمراٹ پرتھویراج' کو پیچھے چھوڑ دیا ہے۔ Samrat Prithviraj Boxoffice Collection
اکشے کمار کی فلم بچن پانڈے نے مداحوں کو پہلے ہی مایوس کیا ہے اور اب ’سمراٹ پرتھویراج‘ نے بھی کوئی کسر نہیں چھوڑی۔ واضح رہے کہ 'سمراٹ پرتھویراج' کا باکس آفس پر پہلے دن کا کلیکشن صرف 12 سے 14 کروڑ بتایا جا رہا ہے۔ ہفتہ کے آخر میں فلم کو کتنے لوگ دیکھنے آتے ہیں یہ تو 5 جون کی شام تک پتہ چلے گا۔
میڈیا رپورٹس کے مطابق 'سمراٹ پرتھوی راج' کا پہلے دن کا کلیکشن عالیہ بھٹ کی فلم گنگوبائی کاٹھیاواڑی کی کمائی کے برابر ہے۔ اس کے ساتھ ہی اکشے کمار کی آخری ریلیز فلم بچن پانڈے نے باکس آفس پر پہلے دن 13 کروڑ روپے کی کمائی کی۔ 'سمراٹ پرتھوی راج' کی کمائی اس لیے بھی متاثر ہوئی ہے کیونکہ یہ فلم ملک کی کچھ ریاستوں میں ٹیکس فری ریلیز ہوئی ہے۔
'وکرم' نے باکس آفس پر دھوم مچا دی
یہاں اکشے کمار کے ساتھ کمل ہاسن کی فلم وکرم نے بھی سینما گھروں میں دستک دی۔ لوکیش کنگراج نے اس فلم کو ڈائریکٹ کیا ہے۔ فلم وکرم کا پہلے دن کا کلیکشن 40 سے 50 کروڑ کے درمیان بتایا جا رہا ہے۔ فلم نے باکس آفس پر زبردست کمائی کی ہے۔ وکرم کے بارے میں کہا جا رہا تھا کہ یہ فلم باکس آفس پر تہلکہ مچا دے گی۔
مزید پڑھیں: jawan first look viral : فلم جوان سے شاہ رخ خان کی پہلی جھلک وائرل
