سوشل میڈیا اسٹار فیصل شیخ، جن کے انسٹاگرام پر 29 ملین ہے، اپنے والدین کے ساتھ عمرہ کے لیے روانہ ہوئے ہیں۔ فیصل شیخ نے انسٹاگرام پر ہوائی جہاز سے اپنے والدین کے ساتھ ایک تصویر شیئر کی اور بتایا کہ وہ عمرہ کے لیے روانہ ہوئے ہیں۔ اداکارہ نے مدینہ منورہ سے اپنی دو تصاویر بھی شیئر کی ہے۔ فیصل شیخ سب سے پہلے مدینہ منورہ پہنچے اور جمعہ کو اپنے انسٹاگرام پر ارض مقدس سے پہلی جھلک شیئر کی۔ انہوں نے اپنے مداحوں کو ’جمعہ مبارک‘ کی مبارکباد بھی دی۔اس تصاویر میں وہ عربی چوغہ 'بشت' میں ملبوس نظر آرہے ہیں۔Faisal Shaikh to Perfom Umrah
- " class="align-text-top noRightClick twitterSection" data="
">
فیصل شیخ نے اس تصویر کو شیئر کرتے ہوئے اس کے کیپشن میں لکھا ہے کہ ' اور پھر کچھ یوں ہوا کہ میرے آقا نے مجھے مدینہ بلا لیا، جمعہ مبارک'۔ اس سے قبل اداکار نے فلائٹ سے اپنی ایک تصویر شیئر کی تھی جس میں وہ اپنے والدین کے ساتھ نظر آرہے ہیں۔ اس تصویر کو شیئر کرتے ہوئے فیصل نے لکھا کہ ' ہمارا پہلا عمرہ ایک ساتھ، اللہ ہماری دعائیں قبول فرمائے اور ہمیں سیدھے راستے پر چلنے کی توفیق عطا فرمائے'۔
- " class="align-text-top noRightClick twitterSection" data="
">
فیصل شیخ سوشل میڈیا اسٹار ہیں، انہیں گزشتہ سال مشہور ریئلٹی شو خطروں کے کھلاڑی میں دیکھا گیا تھا۔ اس کے علاوہ وہ جھلک دکھلا جا کےدسویں سیزن کا بھی حصہ رہ چکے ہیں۔ سوشل میڈیا پر ایک بڑی تعداد فیصل شیخ کو فالو کرتی ہے۔ ان کے انسٹاگرام پر اب تک 29 ملین فالوورز ہیں۔ مداح انہیں 'مسٹر فیصو' نام سے جانتے ہیں۔ سوشل میڈیا کے علاوہ انہیں کئی میوزک ویڈیو میں بھی دیکھا جاچکا ہے۔
فیصل شیخ کے علاوہ حال ہی میں بالی ووڈ کو خیرآباد کہنے والی ثنا خان بھی اپنے شوہر کے ساتھ عمرہ کی سعادت حاصل کرچکی ہیں، جس کی تصویر انہوں نے اپنے سوشل میڈیا اکاؤنٹ پر شیئر کی تھی۔
